Viktig information om coronapandemin

Boarrásiid ovddasmoraš

Buorre diehtit

Orrestaare gielda lea oassi suoma ja sámi hálddašanguovllus. Dat buktá mielddis ahte don guhte gulat daidda nationála unnitloguide lea riekti ovddasmorrašii ja dikšui ollásit dahje buori muddui unnitlogugillii. Čálle maid sávat dalle go ozat divššu ja ovddasmorraša. Ohcamuš dahkki skovi ja e-bálvalusa bokte ruoŧagillii.

Ruovttobálvalus álkidahttá dutnje bissut iežat ruovttus ja dovdat oadjebasvuođa. Ruovttobálvalus sáhttá, du dárbbuid mielde, veahkehit du geavatlaš bargguin nugo čorgemiin, bassamiin ja gávppašemiin. Máhtát maid oažžut veahki du persovnnalaš divššuin nugo hygienain, hivssetmannamiin, bivttastemiin ja nuolademiin ja borranbottuin. Don sáhtát oažžot veahki mannalit olgun iežat áššiid ordnemin. Ruovttobálvalus máhttá maid veahkehit oamiolbmuid vuoruid váldimiin ruovttus.

Ruovttobálvalus Orrestaares jođihuvvo gielddas. It sáhte válljet gii dan čađaha. Muhto dus lea vejolašvuohta váikkuhit dasa man láhkai doarjja dutnje galgá dahkkot du mearrádusa mielde. Ovttasráđiid ruovttubálvalusa bargiiguin dii ráhkadehpet čađahanplána du doarjagii.

Dalle go ozat ruovttubálvalusa árvvoštallá gielda du dárbbuid sosiálabálvaluslága mielde.

Don mávssát ovddasmorašdivvaga ja persovnnalaš goluid maŋŋil. Jus oaččut doarjja ođđajagimánus de sádde gielda rehkega guovvamánus. Dan galggat máksit dan maŋemusat njukčamánu 20 beaivvi.

Don guhte leat 65 jahkásaš dahje boarrásit ja orut ruovttustat ja háliidat oasálastit oktavuođas ja doaimmain leat buresboahtin gieldda gávnnadanbáikkiide. Gávnnadanbáikkiin fállat iešguđet doaimmaid, ovdamearkka dihte musihkaguoimmuheami, bingo, gáffebottuid, goartaspealuid, gođđima, lávloma, faláštallama, lohkanrieggáid ja árbevirolaš feasttaid. Sáhtát buktit evttohusaid dasa makkár sisdoalu sávašit.

Eanaš doaimmat leat nuvttá muhto don mávssát gáfes ja earáin maid borat dahje jugat. Go lea guoimmuheapmi dahje erenoamáš dahpahušat de mávssát unnit mávssu. Eanaš gávnnadanbáikkit váldet dušše reaida ruđa.

Gávnnadanbáikkit lea geográfalaččat biddjon miehtá gieldda. Muhtin gávnnadanbáikkit lea dikšun- dahje ovddasmorašbáikkiin muhto máhttet maid leat sierra dáluin.

Gieldda dikšun- ja ovddasmorašorrumat lea du váras guhte dárbbašat eanet doarjaga ja ovddasmorraša go lea vejolaš fállat du iežat ruovttus.

Gieldda dikšun- ja ovddasmorašorrumis lea bargoveahka mii máhttá addit dutnje doarjaga birra diimmu. Don oaččut doarjaga bargoveagas, muhto fállat maid iežat oktavuođaolbmo.

Don láiggut du ássudagu orrumis ja dus lea láigošiehtadus. Dasa gullá seaŋga muhto eará viessogálvvuid don ordnet iežat dárbbu mielde. Dikšun- ja ovddasmorašorrumis addo iđitborramuš, lunša, eahkesborran ja gaskabiepmut.

Dalle go don ozat orruma de árvvoštallá gielda du dárbbuid Sosiálabálvaluslága mielde (SoL) ja/ dahje Doarjja ja bálvalus muhton doaibmahehttejuvvon olbmuid lága mielde (LSS).

Jus dus leat gažaldagat dikšun- ja ovddasmorašorruma birra de sáhtát váldit oktavuođa gieldda veahkkemeannudeddjiin oktavuođaguovddáža bokte.

Sáhtát maid ohcat orrut dikšun- ja ovddasmorašorrumis demeansa olbmuid váras. Jus dutnje galgá addot sadji dikšun- ja ovddasmorašorrumis demeansa olbmuid váras dus ferte leat diagnosa demensii. Demeansaorrun addá oadjebas ja movttiidahtti divššu vai dus guhte lea demeansavihki nu guhkás go vejolaččat galggat máhttit doalahit du mentála ja fysalaš funkšuvnnaid.

Don guhte dávjá dárbbašat buohccedikšunbijuid oanit dahje guhkit áigái ja it beasa du dearvvašvuođaguovddážii máhtát oažžut ábu gieldda ruovttubuohccedivššus.

Dálle go buohccát dahje skihppát don nugo dábálaččat válddát oktavuođa du dearvvašvuođaguovddážiin. Jus don dearvvašvuođaguovddáža árvvoštallá mielde dárbbašat divššu ruovttustat de sii gaskkustit oktavuođa gieldda dearvvašvuođaguovddážiin. Máhttá maid leat doavttir buohcceviesus guhte, dalle go pláne divššu maŋŋá go leamaš buohcceviesus, almmuha du dárbbu ruovttubuohccedikšui. Das maŋŋil boahtá ruovttubuohccedivššu distrikta buohccedivššár, bargoterapevta dahje fysioterapevta váldit oktavuođa duinna ja plánet bijuid dutnje.

Sáhtát oažžut ruovttubuohccedivššu birra jándora, buot beivviin vahkus. Du dikšodárbu mearrida goas bidju galgá dahkkot. Don guhte válddát oasi buohccedivššus ruovttus mávssát dan ovddas.

Jus don, maŋŋá buohccáma dahje loavkadeami dárbbašat hárjehallama dahje eará bijuid maiguin birget du árgabeaivvis de lea vejolaš oažžut rehabiliterema du iežat ruovttus. Bargoterapevta ja fysioterapevta árvvoštallet du dárbbuid ja čađahit rehabiliterenbijuid ovttasráđiid eará ámmátjoavkkuiguin.

Árvvoštallama maŋŋá don sáhtát luoikat veahkkereaidduid maiguin birget buorebut du árgabeaivvis. Ovdamearkkat veahkkereaidduide leat rolláhtor, rollastuollu ja hivssetstuolu loktenbierggas.

Jus dus lea iežat orohat ja beasat dearvvašvuođaguovddážii de galggat mannat dohko oažžut rehabiliterema ja vejolaččat maid veahkkereaidduin. Jus it beasa du dearvvašvuođaguovddážii dahje jus veahkkereaidduid ferte geahččaladdat ruovttus de váldde oktavuođa gieldda bargoterapevtan dahje fysioterapevtan oktavuođaguovddáža bokte.

Jus orut dikšun- dahje ovddasmorašorromis dahje bálvalusviesus de máhtát váldit oktavuođa ovddasvástideaddji buohccedivššáriin mii das maŋŋá váldá oktavuođa ovddasvástideaddji bargoterapevtan dahje fysioterapevtan

Jus veahkkereaiddut cuovkanit dahje heitet doaibmame de váldde oktavuođa Hjälpmedel Västernorrlandiin. Máhtát maid ilmmuhit boasttuilmmuheami Hjälpmedel Västernorrland webbáikki bokte.

Gielda váldá mávssu veahkkereaidduin olbmuide geat leat deavdán 20 jagi

Don guhte divššut ja doarjjut lagašolbmo dahje eará olbmo leat árvvolaš dan olbmui. Muhtimin máhtát maid don dárbbašit doarjaga birget diliin buoremus láhkai, várra hupmat soames olggut olbmuin dahje beassat vuoiŋŋastit ja oažžut áiggi allasat.

Oamiolbmokonsuleanta máhttá doarjut du:

  • Addimis dieđuid gos sáhtát oažžut doarjaga ja veahki
  • Sierra doarjjaságaid bokte
  • Oamiolbmuidjoavkkut bokte gos sáhtát gávnnadit earáiguin sullasaš diliin, lonohallat vásáhusaid ja oažžut cavgilemiid ja rávvagiid
  • Ruovttoguossástallamiid bokte
  • Volonteara gaskkusteami bokte

Sis geat barget oamiolbmodoarjagiin lea jávohisvuođageaskku. Váldde oktavuođa vuorrasiid- ja oamiolbmuidkonsuleanttain oktavuođaguovddáža bokte.

Oktavuohta

Oktavuođaguovddážis dušše ruoŧastit

Oktavuođaguovddáš

Telefovdna: 0660-880 00

Rabasáiggit telefovdnii: 07:30–17:00 árgabeivviid (15 miessemánus–15 čakčamánus 07:30–16:15)

E-poasta: kontaktcenter@ornskoldsvik.se


Guossástallančujuhusat

Guossástallanguovddáš gávpotviesus Kronan: Järnvägsgatan 6, eanandásis

Rábasáiggit guossástallanguovddáš Kronan: árgabeivviid (15 miessemánus–15 čakčamánus 07:45–17:00)

Vuostáváldin gávpotviesus Nygatanis: Nygatan 16, plan 1

Rabasáiggit vuostáváldin Nygatan: 07:45–16:30 árgabeivviid, gitta borranbottus 11:30–12:30 (15 miessemánus–15 čakčamánus 07:45–15:45)